"Осиёнинг 2019 йилдаги энг яхши футболчиси". Ғолиб аниқланди

Рўйхатда "Ростов" ва Ўзбекистон миллий терма жамоаси ҳужумчиси Элдор Шомуродов ҳам бор эди. Ҳамюртимиз якунда 13-ўринни эгаллади. Тошкентнинг "Локомотив" жамоасида ўйнаётган туркманистонлик ярим ҳимоячи Арсланмират Аманов эса 24-ўринга лойиқ деб топилган.

"Тоттенхэм" ва Жанубий Корея терма жамоаси ўйинчиси Сон Хён Мин "Осиёнинг 2019 йилдаги энг яхши футболчиси" деб топилди. Англия Премьер-лигасида ажойиб ўйинлар кўрсатаётган Сон 258 очко тўплади ва жами овозларнинг 31,6 фоизига эгалик қилди.

2-ўринни қатарлик Акрам Афиф (114 очко) эгаллаган бўлса, 3-ўринни "Ливерпуль"га ўтганига кўп бўлмаган Такуми Минамино (90 очко) эгаллаган.

Эслатиб ўтамиз, ғолиб журналистларнинг овозлари орқали аниқланади.

1. Сон Хён Мин ("Тоттенхэм", Англия) - Жанубий Корея

2. Акрам Афиф ("Ал Садд", Қатар) - Қатар

3. Такуми Минамино ("Ливерпуль", Англия) - Япония

4. Алмоез Али ("Ал Дуҳаил", Қатар) - Қатар

5. Сердар Азмун ("Зенит", Россия) - Эрон

6. Бафетимби Гомис ("Ал Ҳилол", Саудия Арабистони) - Франция

7. Ву Лей ("Эспаньол", Испания) - Хитой

8. Салим Ал Довсари ("Ал Ҳилол", Саудия Арабистони) - Саудия Арабистони

9. Бағдод Бунежа ("Ал Садд", Қатар) - Жазоир

10. Паулиньо ("Гуанжоу Эвергранд", Хитой) - Бразилия

11. Ли Кан-ин ("Валенсия", Испания) - Жанубий Корея

12. Тхиратхон Бунматхан ("Йокохама Маринос", Япония) - Таиланд

13. Элдор Шомуродов ("Ростов", Россия) - Ўзбекистон

14. Себастьян Жовинко ("Ал Ҳилол", Саудия Арабистони) - Италия

15. Омар Ал Сома ("Ал Аҳли", Саудия Арабистони) - Сурия

...

24. Арсланмират Аманов ("Локомотив", Ўзбекистон) - Туркманистон