Гиггз: "Сульшер Клопп ва Гвардиола даврида ишлаётгани омадсизлигидир"
05 oct 2019 16:53
News

Гиггз: "Сульшер Клопп ва Гвардиола даврида ишлаётгани омадсизлигидир"

"Манчестер Юнайтед" собиқ футболчиси Райан Гиггз клуб хўжайинлари Сульшерга кучли жамоа тузиши учун кўпроқ вақт бериш керак деб ҳисоблайди.

"МЮда ишлаш қийин. Клубда охирги 4-5 йилда Алекс Фергюсон, Дэвид Мойес, Луи ван Гал ва Жозе Моуриньолар ишлади. Сульшер ҳозир жамоани олдинги ҳолатга қайтариш учун ҳаракат қилмоқда.

Жамоада Жеймс, Ван-Биссака ва Магуайрлар каби ёш ва иштиёқли футболчилар бор. Уленинг омадсизлиги Клопп ва Гвардиола даврида ишлаётганидадир. Юрген Клопп "Ливерпуль"ни тўртинчи мавсум бошқармоқда.

Пеп ҳам шунча пайтда жамоани қурди. Почеттино "шпорлар" бош мураббийи сифатида олтинчи мавсумини ўтказмоқда. Сульшерга ҳам вақт бериш керак деб ўйлайман", - дейди Гиггз.

МЮ АПЛда 7 турдан сўнг 10-ўринда бормоқда.