"Бунёдкор" собиқ устози Бразилия чемпионати ғолибига айланди
26 nov 2018 11:26
News

"Бунёдкор" собиқ устози Бразилия чемпионати ғолибига айланди

Бразилия чемпионатининг 37-турида мусобақа ғолиби номи аниқ бўлди.

Турнир жадвалида пешқадамлик қилаётган "Палмейрас" меҳмонда "Васко да Гама"ни 1:0 ҳисобида таслим этди ва турнир якунланишига бир тур қолганда чемпионга айланди. Иккинчи ўрин соҳиби "Фламенго" чемпиондан 5 очко ортда қолиб кетди.

Бу "Палмейрас" учун 10-чемпионлик бўлди. Шундай қилиб улар ушбу турнир рекордчисига айланишди. Бу кўрсаткич бўйича уларнинг энг яқин таъқибчиси "Сантос" клуби ҳисобланади (8та чемпионлик).

Айни дамда "Палмейрас"ни 2009-2010 йилларда "Бунёдкор"га устозлик қилган Луис Фелипе Сколари бошқармоқда.