Андрей Фёдоров янги футболчилар асосий таркибга қўйилмагани сабабини айтди

"Ўйиннинг бошланиши бизга қийинроқ бўлди. Баҳс стартидан олдин "Навбаҳор" шундай ўйин кўрсатишини билгандик. Дастлабки 10 дақиқаликда биз бутун майдонни эгаллаб олишга эришдик ва тайм давомида устунлик қила олдик. Иккинчи бўлимда эса тажриба эвазига биз рақибни мағлуб эта олдик. Ажойиб якун учун йигитларга раҳмат айтаман.

Янги схемалар? Биз мураббийлар штаби билан илк даврани муҳокама қилдик ва қандай голлар қўйиб юборганимизни текширдик. Шу боисдан схемаларга ўзгаришлар киритдик. Бугун янгича тактикалар билан ўйинни ўтказдик.

Погребняк? У, Анзур ва Темурхўжа каби футболчиларнинг трансфер ишлари ўйин бошланишига икки соат қолганида якунланди. Шу боисдан уларнинг майдонга тушиш борасида анчагина иккиландик. Николай Минскдаги йиғинларда биз билан тўлиқлигича шуғулланди. У аста-секинлик билан жамоага кўникиб кетади. Бу дегани у барча ўйинларда асосий таркибда тушади дегани эмас. Асосий муаммо - жамоага мослашиш. Буни вақт кўрсатади.

Исмоилов? Ажойиб, тажрибали футболчиларга ҳар доим жамоада жой топилади. Сизга сирларимини очишни ният қилмаяпман", - деди Фёдоров.

Сардор Мирзаев: "Баҳс қийин бўлди. "Навбаҳор" шундай курашишини билгандик. Биринчи бўлим агрессив ўтди. Иккинчи бўлимнинг бошида биз концентрацияни йўқотиб қўйдик. Аммо ўз устимизда яхши ишлаганимиз сабабли ғалабага ишонгандик".