Александр Хомяков: "Афсуски, кўп гол ўтказиб юбордик"

- Ўйин ҳақида фикрингиз?

- Ўйинимизга келиб бизни қўллаб турган мухлисларга раҳмат. Бугун ишқибозларимиз яхши далда бериб туришди. Афсуски, уларнинг ишончини оқлай олмадик. Яхши сифатдаги жамоа билан ўйнаш осон бўлмади. Тезкор гол уришни мақсад қилгандик, бу ҳам ўхшамади. Вазиятлар яратдик, лекин тўпга якуний зарбани бера олмадик. Иккинчи таймда ниманидир ўзгартиришга ҳаракат қилдик. Бизга гол керак эди. Бугун ҳужум ва ҳимоядаги мувозанатни топа олмадик. Рақиб эса бирин-кетиш голлар уришда давом этди. Афсуски, кўп гол ўтказиб юбордик. Ҳақли ғалаба билан "Пахтакор"ни табриклайман. Мени хурсанд қилган жиҳати, футболчиларимиз охиригача қўлни туширмади.

-  Бугун Фране Икич майдонга тушмади. Ҳимояда унинг йўқлиги билиндими?

- Ҳимояда бошқалар ҳаракат қилди ва ўзларини кўрсатишга интилишди. Бугун Нодирбек Аҳмаджонов ҳимояда ўйнади ва бироз тажриба етишмади. Айниқса бу иккинчи голда билинди. Лекин бу - футбол, тажриба секин-аста ошиб боради.