Latest news

15:21"Жирона" Ромеуни "Барселона"га қарши ўйнатиш учун "кўк-анорранглилар"га 300 минг евро тўлади  0 14:55"Челси" ёзги трансферлар учун асосий мақсадини танлаб олди  1 14:20"РБ Лейпциг" Марко Розени истеъфога чиқарганини эълон қилди  0 13:58"Тоттенхэм" 20 ёшли иқтидорни нишонга олди  0 13:30Флик "Барселона"да Луис Диасни кўришни истамаяпти  4 13:02Марко Николич Аббосбек Файзуллаевнинг ўйинига баҳо берди  4 12:33Рўзиқул Бердиев: "Биринчи бўлимдаги вазиятлардан фойдаланганимизда ютиб кетишимиз ҳам мумкин эди"  4 12:02АПЛнинг 6 клуби канадалик ҳужумчи учун "Барселона" билан кураш олиб бориши мумкин  0 11:34Иско - Ла Лиганинг март ойидаги энг яхши футболчиси. "Бетис" хавбеки Мбаппе ва Маркос Алонсони ортда қолдирди  2 11:07"Реал" "Манчестер Юнайтед" сардорини сотиб олишга уриниб кўриши мумкин  15 10:35Артем Довбик жароҳат олди  9 09:43Sofascore. Кечаги учрашувда Аббосбек Файзуллаевнинг ҳаракатлари неча баҳога лойиқ кўрилди?   4 09:20МЛС. Мессининг голи "Интер Майами"га ғалаба келтирди  12 09:00Абрамовнинг "Динамо"си "Пахтакор"ни мағлуб этган баҳсдан ФОТОГАЛEРEЯ  5 08:17Sofascore. Шомуродов кечаги баҳсда қандай баҳога лойиқ кўрилди?  1

Андрей Фёдоров: "Нефтчи" кейинги мавсум чемпионликка даъвогар бўлиши шарт" News

Андрей Фёдоров: "Нефтчи" кейинги мавсум чемпионликка даъвогар бўлиши шарт"

"Нефтчи" - "Пахтакор" (3:2) учрашувидан сўнг мезбонлар бош мураббийи Андрей Фёдоров ўз фикрларини билдириб ўтди.

- Аввалом бор, бугунги ғалаба билан барча фарғоналик футбол мухлисларини табриклайман. Фарғоналик футбол ишқибозлари чемпионлик ҳис-туйғуларини ҳалигача сақлаб қолишибди. Демак, “Нефтчи” ҳам яқин келажакда ўз ишқибозларига мос равишда янаги мавсумдан чемпионликка даъвогар клублар қаторидан ўрин эгаллаши шарт. Футболни футбол қиладиган бу – шубҳасиз мухлислардир. Фарғоналик мухлислар халигача мени футбол ўйнаган пайтларимни эслашади. Демак, мухлисларимиз ҳам ўз соҳасида профессионаллар даражасидадир. Агар жамоамиз бугун чемпион устидан ғалаба қозонган  бўлса, бу натижада мухлисларимизнинг муҳим ўрни бор. Уларнинг,  жамоамизни учрашув давомида қўллаб-қувватлаши ғалабамизга тамал тоши бўлиб хизмат қилди. Яна бир марта барча фарғоналик футбол ишқибозларига бутун клуб номидан катта раҳмат айтаман.

ЎЙИН ҲАҚИДА

- Бугунги учрашув кутилганидек мураккаб ва қийин  ўтди. “Пахтакор” - буюк жамоа, ўзбек футболининг флагмани, энг кўп Ўзбекистон чемпиони бўлган, қолаверса ўтган мавсум ҳам чемпион бўлган ва бу йил ҳам чемпионликка энг яқин турган жамоадир.  Қолаверса, сўнгги йиллар жамоамиз “Пахтакор”дан фақат мағлубиятга учраб келаётган эди. Мана бугунги ўйинда ”Нефтчи” бу нохуш анъанага нуқта қўйди. Агар бевосита учрашувга тўхталадиган бўлсам,  баъзи бир вазиятларни ҳисобга олмаганда йигитлар  мураббийлар томонидан белгиланган барча вазифаларни яхши бажаришди.  Мен бугун  жамоанинг ўйинидан ҳам, натижадан ҳам қониқдим. Учрашувдаги тезкор голлар албатда бир томондан яхши, лекин иккинчи  томондан  ўйиннинг 20 дақиқасида иккита тўп фарқи билан олдинга чиқиб олиш футболчиларга  салбий хизмат қилиши мумкин. Йигитлар голлардан кейин уюшқоқликни, ўйин назоратини йўқотиб қўйишлари мумкин, бўшашиб  хатоларга йўл қўиш мумкин. Лекин, йигитлар  учрашувнинг сўнгги дақиқасигача ташаббусни ўз қўлларида ушлаб туришди. Футболчиларга ҳам раҳмат айтаман. Бизни гол қўйиб юборишимизда хеч кимнинг айби йўқ, “Пахтакор” маҳоратли футболчилардан иборат кучли жамоа ва хақли равишда голларни урди.

ҚИЗИЛ КАРТОЧКАЛАР  ҲУСУСИДА

- Мен одатда, ҳакамларнинг ишига баҳо бермайман. Ҳар ҳолда ҳакамлар ҳар бир вазиятни майдондан туриб баҳо беради. Вазиятга яқин туради. Мен Мансур Саидов билан бўлган вазиятни узоқроқда бўлганим учун,  ўйинчилар ҳаммаси бир ерга йиғилиб қолишиганидан кўра олмадим. Мансур ўзи жуда ҳам  интизомли  футболчи, майдонда сардорларга хос ҳаракат қилади. Мен аниқ воқеани кўра олмадим, лекин Мансурнинг гапига қараганда, у футболчиларнинг  ўртасига тушиб, тўқнашувдан кейин вазиятни таранлаштирмаслик учун, жанжални олдини олмоқчи бўлган. Албатта, Саидовни кейинги учрашувда майдонга тушмаслиги биз учун катта йўқотиш, маълумки у жамоанинг хақиқий сардори бўлиши билан бирга, ўйинимизни майдонда назорат қилади ва кўплаб ҳужумларни ташкил этишда етакчилик вазифасини бажаради. Лекин, жамоамиз ҳозир яхши шаклланган ва биз ҳар қандай йўқотишни ўрнини бошқа футболчилар билан  алмаштира оламиз. Саидовнинг жамоадаги йўқлигини Акмал Холматов билинитирмайди.  “Насаф” билан бўладиган учрашувга ҳар галгидек жиддий тайёргарлик кўрамиз. Барча жамоаларга очко керак, лекин биз  мухлисларимиз олдида юзимиз ёруғ бўлиши учун қолган ўйинларда ҳам ғалаба қозонишга ҳаракат қиламиз.


Rating: +5   

Comments

championat.asia
< show latest news
Яндекс.Метрика