ЖЧ-2014. Бельгия сўнгги дақиқаларда Россияни мағлуб этди

Афсонавий "Маракана" стадионида Бельгия ва Россия терма жамоалари ўзаро кураш олиб боришди.

Илк турда Бельгия Жазоир устидан иродали ғалабага эришганди (2:1). Россия эса Жанубий Корея билан дуранг (1:1) ўйнаган эди.

Учрашувнинг 20-дақиқасида Дирс Мертенснинг зарбаси ноаниқ бўлди. Бўлим сўнггида Александр Кокорин рақиб сардоридан қочиб кетга олганида ҳисоб очилиши мумкин эди.

Бельгия асосан кўпроқ ҳужум қилди, аммо узоқ вақт якуний зарба аниқ чиққани йўқ. 81-дақиқада захирадан майдонга тушган Андрей Ешенко қулай вазиятга эга бўлди, лекин унинг зарбаси устун ёнидан ўтиб кетди.

84-дақиқада Эден Азарнинг зарбасидан сўнг тўп дарвоза устунига тегиб қайтди. 

Орадан уч дақиқа ўтиб Бельгия барибир ўз мақсадига эришди. Азар тўпни ҳужумдаги шериги Дивок Оригига ташлаб берди, ёш футболчи аниқ ва кучли зарбаси билан ҳисобни очди - 1:0.

Ушбу ҳисобни сақлаб қолган Марк Вильмотс шогирдлари муддатдан олдин кейинги босқич масаласини ижобий ҳал қилишди.

Бельгия – Россия 1:0
22 июнь. 21:00
Рио Де Жанейро. “Маракана” стадиони.
Бош ҳакам: Феликс Брих (Германия)
Ёрдамчи ҳакамлар: Марк Борш (Германия), Стефан Лупп (Германия).
Захира ҳаками: Карлос Вера (Эквадор)

Гол: Ориги (87)

Бельгия: Куртуа, Альдервейрельд, Компани, ван Бюйтен, Вермален (Вертонген, 31), Витсель, Феллаини, Мертенс (Миральяс, 75), де Брейне, Азар, Лукаку (Ориги, 57).

Россия: Акинфеев, Козлов (Ешенко, 62), В.Березуцкий, Игнашевич, Д.Комбаров, Шатов (Загоев, 83), Глушаков, Самедов (Кержаков, 88), Каннуников, Кокорин, Файзулин.

Огоҳлантириш: Глушаков (38), Витсель (55), Альдервейрельд (74).