"Зенит" Азмунни 50 миллион евродан камига қўйиб юбормайди. Эронлик Миллернинг севимли ўйинчисидир

Бундан ташқари, "Зенит" Азмун борасида таклиф олса, эронлик ҳужумчини сотишдан бош тортади, сабаби клуб раҳбарияти ҳужумчи билан хайрлашишни режалаштирмаяпти. Бу ҳақда metaratings.ru сайти хабар берди.

Фақатгина камида 50 миллион евролик таклиф "Зенит" раҳбариятини Азмунни сотишга ундаши мумкин. Айнан шунча пулга "Зенит" хавбек Леандро Паредесни ПСЖга сотган.

Азмуннинг қолишига яна бир сабаб унинг "Газпром" раҳбари Алексей Миллер билан яхши муносабатларидир. Улар отларга ва отлар пойгасига ишқибозлик каби умумий қизиқишларга эгалар.

Азмун жорий мавсум "Зенит" либосида РПЛда 21та ўйинда майдонга тушиб, 10та гол ва 6та ассист қайд этди. Transfermarkt эронлик ўйинчини 18 миллион еврога баҳолаган.

Айни вақтда Россия чемпионати коронавирус пандемияси сабабли тўхтатилган. "Зенит" ўз таъқибчилари бўлмиш "Локомотив" ва "Краснодар"дан 9 очко илгарилаб кетган ҳолда жадвалда етакчилик қилмоқда.

Манба: metaratings.ru