Зафар Полвонов: "Пахтакор"га юқори босим ўтказдик"

"Ўйин томошабоп, қизиқарли тарзда кечди. Менимча, бугунги учрашув стадионга келган мухлисларга ёқди. Биз яхши ўйнадик ва кўплаб вазиятларга эга бўлдик. Бироқ баъзи вазиятларда омад бизлардан юз ўгирди. Шунга қарамай "Пахтакор"га қарши ўйинда яхши натижага эришдик. Рақиб ҳам яхши ўйнади ва бизга муаммолар туғдирди. Пенальти? Бу вақтга келиб мен захирага олингандим ва вазиятни кўра олмадим. Жамоадошларим пенальти бўлмаганини таъкидлашди. Лекин ҳакамнинг қарори бошқача бўлди. Андреев пенальтидан тўпни тўғри дарвозага йўллай олмади. Ўйин жуда юқори босим остида ўтди. Биз "Пахтакор"га катта босим ўтказдик. Иккала жамоа ҳам ғалаба учун ўйнади. Даврон Ҳошимов Сарвар Жўраевга нисбатан жуда қўпол ҳаракат қилгани учун ўйин сўнггида ҳақли равишда майдондан четлатилди. "Шўртан"нинг иккинчи даврадаги муваффақиятлари замирида Муҳтор Қурбоновнинг хизмати ва бутун жамоанинг меҳнати ётибди деб ўйлайман. Бу меҳнатларимиз самараси бўлса керак. Кейинги ўйинларда ҳам ишқибозларни хурсанд этишга ҳаракат қиламиз", - дейди Зафар Полвонов.