Footbal Italia нашрининг хабарига кўра, Аньелли мухлислар гуруҳлари билан ноқонуний чипталар савдосига алоқадор бўлган. Функционер бир йилга дисквалификация қилинган бўлса, “Ювентус” 300 000 евро миқдоридаги жаримага тортилди.
Маълумотларга қараганда, бу иш юзасидан тергов олиб борган прокурор суддан Аньеллини 2,5 йилга футболдан четлатиш ҳамда 50 000 евро жаримага тортиш кераклигини талаб қилган.
Эслатиб ўтамиз, яқинда Аньелли Европа клублар Ассоциацияси президенти этиб сайланганди. У бу лавозимда Карл-Хайнц Руммениггени алмаштирганди.
