"Ювентус" мухлисларига янги форма ёқмади. Улар дизайнни ўзгартиришларини исташмоқда (+ФОТО)

"Зебралар"нинг янги уй формаси анъанавий оқ-қора рангда ва унинг ўртасида жамоа титул ҳомийи бренди - Jeep ёзуви туширилган.

Мухлисларга бренд остидаги фон ёқмади ва улар бу камчиликни тўғирлаш учун имзо йиға бошлашди.

2015/16 мавсумда форма яхшироқ кўринишда эди, чунки чизиқлар ингичка эди. Adidas кейинги икки йил бу ғоядан воз кечди ва яна шу шаклга мурожаат қилди. Нега бундай бўлгани маълум эмас.

"Биз Adidas ва "Ювентус"дан уй форманинг бу кўринишини қайта кўриб чиқишни ва ҳомий логотипини бу мавсумдагидек қўйишни сўраймиз. Шундай қилиб сиз форма сотуви тушиб кетишидан қутилиб қоласиз" - дейилади мухлислар мурожаатида.