UZ

Сўнгги янгиликлар

03:40ЖЧ-2026 саралаш босқичи. Гуруҳлардаги ҳолат ва мураббийлар фикри   4 02:52Миллатлар лигаси. Роналду 910-голини урди, Испанияда ғалаба, "Титанлар жанги"да дуранг ва бошқа натижалар  4 02:05Ўртоқлик ўйини. Моуринью жамоаси "Зенит"ни мағлуб қилди  0 00:47Расман: Поль Погба энди жамоасиз  1 00:25Франциянинг 7 карра чемпиони 2-лигага тушириб юборилди  5 00:10Миллатлар лигаси. Португалия - Польша ва бошқа учрашувларнинг асосий таркиблари маълум!  1 23:55Бруней бош мураббийи: "Бу шармандали мағлубият эмас"  1 23:22Ван Нистелрой "Манчестер Юнайтед" билан хайрлашди  0 22:57Ўртоқлик ўйини. Россия термаси Бруней билан учрашувда тарихий рекордни янгилади  7 22:14"Вест Хэм" "Арсенал" ва "Ливерпуль"дан 85 млн фунт талаб қилмоқда  1 21:48Раньери "Рома"га қайтиши ҳақида: "Бу тақдир"  4 21:19Рубен Аморим: "Манчестер Юнайтед" бош мураббийи бўлганимдан фахрланаман"  5 20:49Бу даҳшат! АПЛ ҳаками гиёҳванд бўлиши мумкин  5 20:29Аббосбек Файзуллаевга “Йилнинг энг яхши ёш футболчиси” соврини топширилди   26 20:02"Реал" собиқ ҳимоячиси клубга Салибани сотиб олишни маслаҳат бермоқда  1

Ёш ҳакамлар синовдан ўтишди Янгиликлар

Ёш ҳакамлар синовдан ўтишди

Кеча пойтахтимизда сўнгги йилларда ҳакамлик мактабида таҳсил олиб, ўз ҳудудларида фаолият олиб бораётган ёш ҳакамлар синовдан ўтказилди.
“Ёшлик” спорт мажмуаси ҳамда Ўзбекистон давлат жисмоний тарбия институтида олиб борилган имтиҳонда 38 нафар ҳакам иштирок этди. Синовга чақирилганлар 63 кишини ташкил этганди. Турли сабабларга кўра 25 нафар ҳакам имтиҳонга ташриф буюрмади.



Ҳакамлар дастлаб икки гуруҳга бўлинган ҳолда тезкорлик бобида синовдан ўтишди. Ҳар бир иштирокчи 40 метр масофани 6,2 сонияда 6 марта босиб ўтиши лозим эди. Бундан барча ижобий баҳо олди. Бироз танаффусдан сўнг ФИФА-тестига навбат келди. Энди ҳакамлар 150 метр масофани 30 сонияда югуриб ўтиши, 50 метр масофани 45 сонияда юриб ўтказиши ва худди шу тартибда стадионни 12 марта айланиб ўтиши керак эди. Масофанинг умумий узунлиги 4800 метрни ташкил этган бу синовдан 7 киши ўта олмади. 20-25 ёш оралиғида бўлган ёш ҳакамларни мазкур тестдан ўтиш жараёнида жисмонан тайёр эмаслиги афсусланарли ҳолат. Негаки баъзи ҳакамлар 3 айланадан сўнг югуриш йўлакчасидан чиқиб кетишга мажбур бўлди.



Жисмоний текширувдан муваффақиятли ўтган 31 нафар ҳакам ЎзДЖТИда ёзма имтиҳонга таклиф этилди.

Куннинг иккинчи ярмида ўтган бу синовда иштирок этиб шунга амин бўлдимки, ҳакамлик касбини эгаллашни мақсад қилган ёшларда бу касбга нисбатан меҳр ва эътибор у қадар кучли эмас. Ёзма имтиҳон шартлари жудаям оддий кўринишда бўлди. Ҳар бир иштирокчига 9тадан савол тарқатилади. Шу саволлардан энг камида 7тасига тўғри жавоб ёзган ҳакам 2015 йилги мавсум учун ўтказиладиган ҳакамлар синовига таклиф этилади. 9та саволга жавоб ёзиш учун иштирокчиларга 45 дақиқа вақт берилди.



Дастлабки гуруҳда 16 нафар ҳакам, иккинчи гуруҳда эса 15 нафар ҳакам саволларга жавоб йўллашди. Имтиҳон комиссияси синов бошланишидан олдин ҳар бир иштирокчини телефонини ўчириб назоратчи олдидаги столга қўйиши талаб этилди. Биринчи гуруҳ синови якунлангач аудиторияга иккинчи гуруҳ ташриф буюрди. “Гуруч курмаксиз бўлмайди” деганларидек, бу гуруҳда шпаргалкадан фойланаётган иштирокчи чиқиб қолди. Ўз ёнига қўшимча телефон олиб кирган жиззахлик ҳакам телефон хотирасида сақланган жавоблардан фойдаланишга урингани учун имтиҳондан чиқариб юборилди.

Имтиҳон якунида барча иштирокчиларни жавоблари текширувдан ўтказилди ва баҳолар эълон қилинди. Ёзма имтиҳондан муваффақиятли ўтган ҳакамлар 18 нафарни ташкил этди. Бу ҳакамлар февраль ойида 2015 йилги мавсум учун ўтказиладиган имтиҳонларга таклиф этилади.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика