Худоберди Холиқов: "Чигиртка бир сакради, икки сакради, учинчисида қўлга тушди!"
23 окт 2017 12:12
Янгиликлар

Худоберди Холиқов: "Чигиртка бир сакради, икки сакради, учинчисида қўлга тушди!"

Теглар : Истиқлол

"Истиқлол" футболчиси Худоберди Холиқов "Хотира"га қарши ўйиндан сўнг ўз фикрларини билдириб ўтди.

- Очиғи учрашув бу тарзда ўтади деб ўйламаган эдик. Улар бундай ўйин билан 15-поғонада боришаётганига ҳайронман. Балким биз учун ўйин услуби ноқулайлиги учун шундай кўрингандур.

Учрашув жуда ҳам кескин тарзда ўтди. Биринчи бўлимда биринчи қадамни ташладик. Лекин бу урилган гол биз учун, биринчи бўлимда минимум тайм бўлиб хизмат қилди. Иккинчи қадамни эса «Хотира-79» жамоаси ташлади. Хисоб тенглашганидан кейин бизга жуда қаттиқ босим бўлди. Параллел равишда ўтган «Локомотив-БФК» - «Андижон» учрашувида ўйин вақтида қайд этилаётган натижа бизни ғалабага бўлган иштиёқимизни янада оширди. Ва нихоят учинчи қадамни биз ташладик. Эътиборга молик жиҳати, хар икки голни жамоавий тарзда урдик. Чигиртка бир сакради, икки сакради, учинчисида қўлга тушди!

Йигитларга ва Фарғонадан ташриф буюрган «тарихий мухлис»ларимизга миннатдорчилик билдираман. Қолган уч баҳсни ютиш бизнинг вазифамиз. Бу ишни албатта уддалаймиз.

Мухаммад Фарзод суҳбатлашди

Ҳавола :

Манба : championat.asia

Янгиликларни Телеграмда ўқинг!

Рейтинг: +3