Xose Valladares: "Qiyin uchrashuvda g'alaba qozondik"

Narzulla Saydullayev
28 okt 2013, 23:34
Gonduras – O'zbekiston (1:0) uchrashuvidan so'ng tashkil etilgan matbuot anjumanida Gonduras bosh murabbiyi a'lo kayfiyatda o'z fikrlarini bildirdi.
"Bugun biz yaxshi o'ynadik va ajoyib g'alabaga erishdik. Buning uchun futbolchilarimizga rahmat aytaman. O'zbekistonga qarshi o'ynash oson bo'lmasligini yaxshi bilar edik. Biz mehnat qildik va keyingi bosqichga chiqdik", - deydi Valladares.

- Keyingi o'yin Shvetsiya terma jamoasiga qarshi kechadi. Bu jamoaga qarshi o'yin oldida nima deya olasiz?
- Bosqichma-bosqich keyingi o'yinlarga tayyorlanib boryapmiz va mana bugun 1/4 finalga chiqdik. Endi Shvetsiya terma jamoasiga qarshi ham shunday tartibda tayyorgarlikni olib borishda davom etamiz.

- Bugungi o'yindagi qizil kartochka sizning jamoaingiz g'alabasiga qanchalik yordam berdi?
- Bu muhim rol o'ynadi, aynan shu qizil kartochkadan keyin ustunlik biz tomonga o'tdi va yigitlarim erkinroq harakat qilishni boshlashdi.


Nodirxo'ja Yuldashev
Sharja

Narzulla SaydullayevMuallif
Manba: championat.asia