“Боруссия Дортмунд” Германия Кубоги 1/8 финалида “Вердер”га (2:3) ҳисобида ютқазиб мусобақани тарк этди. Дортмундликлар сафида Эрлинг Холанд яна гол урди. Бу футболчининг янги жамоасидаги 4 ўйинда урган 8-голи бўлди. Шу тариқа Холанд дастлабки 4 та ўйинда Бундеслига клуби сафида 8 та гол урган тарихдаги илк футболчи бўлди. Қайд этиш жоиз, Эрлинг 4 та ўйинда ҳам тўлиқ 90 дақиқа ўйнамаган.
