Хайнкес: “Аугсбургга чемпионликни расмийлаштириш учун борамиз”

“Биз Аугусбургга ғалаба қозониш учун борамиз. Агар бу ишни уддаласак, чемпионга айланамиз. Биз ўз кучимиз билан Германия чемпионлигига эришмоқчимиз. Бу бизнинг мақсадимиз. Аммо бу ерда битта муаммо бор: рақиб бизга бу ишни амалга оширишимизга ҳалақит қилиши мумкин. “Аугсбург” мавсумни яхши ўтказмоқда. Шунчаки осон ўйин бўлмайди. Бу ўз мақсадларига эга мураббийнинг ажойиб жамоаси. 

Чемпионлик кечаси? Ҳали биз бунга эришмадик. Ўйлайманки, ҳали олдимизда кўплаб чақирувлар бор. Биз имконият тақдим этилганда байрам уюштиришимиз мумкин. Ўшанда бемалол чемпионликни нишонлаш мумкин. Ечиниш хонасида фақат шампан виноси ичишга рухсат беришим мумкин”, дея Хайнкеснинг сўзларидан иқтибос келтирмоқда Мюнхен клуби матбуот хизмати.

Бундеслига баҳслари якунланишига олти тур қолганида “Бавария” 69 очко билан турнир жадвалида пешқадамлик қилмоқда. Иккинчи поғонада бораётган  “Шальке-04” ҳисобида 52 очко мавжуд.