Хави: "Барчаси "Олд Траффорд"да ҳал бўлади"

"Жуда тенг ўйин. Биз ажойиб жамоага қарши ўйнадик - меҳнатсевар ва жисмоний томонлама кучли, қандай курашишни биладиган жамоа. 

Аммо биз уларга чора топа олдик. Ғалаба қозона оламиз деган ҳислар ҳам бўлди. 

Барчаси "Олд Траффорд"да ҳал бўлади. Биз у ерга кейинги босқич чиптаси учун борамиз. 

МЮга қарши ўйинда сиз босим остида бўласиз. Рақиб кўплаб яккакурашларда ғалаба қозонади. Тўпни олдинга олиб ўтиш биз учун қийин бўлди, аммо уддалай олдик. Шунингдек биз тўп йўқотилганидан сўнг яхши прессинг қилдик. Бироқ МЮда тўғри қарор қабул қила оладиган ажойиб футболчилар бор. 

Мен пенальти бор эди деб ҳисоблайман [тўп 85-дақиқада Фреднинг қўлига текканида]. Учрашувдан кейин ҳакамнинг олдига бориб, бу пенальти эканлигини айтдим. Аммо бу энди хеч нарсани ўзгартирмайди. Ҳакам қўл танага яқин турганлигини айтди, аммо мен буни пенальти деб ҳисоблайман. 

Биз ғалаба қозонишни истагандик ва учрашув якунида ажойиб имкониятга эга бўлдик. Афсуски бу амалга ошмади", - деди Хави.