Моуринью: "Эҳтимол, мен "Реал"дан истеъфога чиқарилмаган саноқли мураббийлардан биридирман"

"Special One" Мадриддаги фаолияти ва клуб президенти билан алоқаларини ёдга олди.

Флорентино Перес билан муносабатлар:

Моуринью ва Перес ўртасидаги дўстлик ҳали ҳам мустаҳкам.

"Флорентино билан охирги марта «Бенфика»га келганимда гаплашдик, у мени табриклади. Эртага уни ўйинда кўришдан умидворман. Орамиздаги ажойиб дўстликни яширишга ҳожат йўқ", — дейди Жозе.

Кетиш сабаби ва "тоза виждон":

Португалиялик мутахассис Мадрид клубидан ўз хоҳиши билан кетганини алоҳида таъкидлади:

Моуриньюнинг фикрича, у "Реал"нинг энг оғир даврларида ишлаб, жамоани порлоқ келажак учун тайёрлаб кетган.

Унинг кетишига эса оилавий сабаблар асосий омил бўлган: "Оиладан муҳимроқ нарса йўқ".

Моуриньюдан навбатдаги "иқтибос":

"Эҳтимол, мен "Реал"дан истеъфога чиқарилмаган саноқли мураббийлардан биридирман. Агар сен клубдан ўз ташаббусинг билан кетсанг, демак, виждонинг поклигани англатади", — дея қўшимча қилди мураббий.

Эслатиб ўтамиз, эртага Чемпионлар Лигасининг дастлабки ўтиш ўйинида Арбелоа шогирдлари Португалияда "Бенфика" меҳмони бўлишади.