WhoScored Италия чемпионати рамзий термасини тузди

"Интер"нинг 4 футболчиси А Сериянинг 2023 йил рамзий термасига киритилди. 

Шунингдек, таркибга "Наполи"нинг 2 вакили ва "Ювентус", "Рома", "Сассуоло", "Торино" ҳамда "Монца"дан 1 нафардан футболчи кирди.

Ушбу рамзий таркибга чемпионатда 24 тадан кўп учрашувда майдонга тушган футболчилар киритилди.

А Серияда 2023 йил рамзий терма жамоаси:

Дарвозабон: Микеле Ди Грегорио ("Монца", 7,01 балл);

Ҳимоячи: Данило ("Ювентус", 7,09), Франческо Ачерби ("Интер", 7,02), Алессандро Буонджорно ("Торино", 6,99), Федерико Димарко ("Интер", 7,04);

Ярим ҳимоячилар: Доменико Берарди ("Сассуоло", 7,32), Хоқон Чалханўғлу ("Интер", 7,21), Пауло Дибала ("Рома", 7,22), Хвича Кварацхелия ("Наполи", 7,37);

Ҳужумчилар: Лаутаро Мартинес ("Интер", 7,43), Виктор Осимхен ("Наполи", 7,18).