"Водий футболи": "Андижон" "Қўқон-1912"га ютқазди

"Андижон" - "Қўқон-1912" 1:2

Кеча олий лиганинг 19-туридан ўрин олган "Андижон" - "Қўқон-1912" учрашуви бўлиб ўтди. Унда меҳмонлар зафар қучишди. Отабек Ҳайдаровнинг дублига мезбонлар сафида Анвар Бердиев бир бир жавоб берди - 1:2.

Шу тариқа, "Қўқон-1912" ўз очколарини 17тага етказиб олди ва 12-ўринга чиқиб олди. "Андижон" ҳисобида 14 очко бор, жамоа ҳамон 15-ўринда.

"Андижон" 20-турда "Бухоро" клуби меҳмони бўлса, "Қўқон-1912" кейинги турни ўз уйида "Олмалиқ"қа қарши ўтказади.



"Нефтчи": Иккинчи даврадаги илк ютуқ

Кеча "Нефтчи" ўз майдонида "Металлург"ни қабул қилиб 2:1 ҳисобида ғалаба қозонди. Бекободликлар вакили Саиджон Абдужабборов ҳисобни очганига қарамай фарғоналиклар иродали ғалабани қўлга киритишди. Сардор Раҳмонов ва Шерзод Ҳакимовнинг голлари Мурод Исмоилов жамоасига иккинчи даврадаги биринчи ғалабани келтирди.

Фарғона жамоаси ўз очколарини 36 очкога етказиб олди, "Нефтчи" 5-ўринда бормоқда.

"Нефтчи" энди 26 август куни Муборакда "Машъал" меҳмони бўлади.



"Навбаҳор": "Сўғдиёна"га ютқазиб қўйдик

Наманганнинг "Навбаҳор" клуби олий лиганинг 19-турини Жиззахда "Сўғдиёна"га қарши ўтказди. Ушбу ўйинда Бахтиёр Ашурматов бошчилигидаги жамоа ютқазиб қўйди - 0:2.  

Шу тариқа, "Навбаҳор"нинг иккинчи даврадаги мағлубиятсиз сериясига барҳам берилди. Жамоа 25 очко билан 8-ўринда бормоқда.

"Лочинлар" навбатдаги турни Наманганда "Бунёдкор" клубига қарши ўтказишади.