Влахович кетиш ёки кетмаслигини аниқлаб олди
29 авг 2021 08:10
Янгиликлар

Влахович кетиш ёки кетмаслигини аниқлаб олди

"Фиорентина" форварди Душан Влахович А Серия 2-тур доирасидаги "Торино" (2:1)га қарши ўйиндан сўнг клубдаги келажаги ҳақида гапирди.

"Ушбу ёзда ҳақиқатдан ҳам ўзим ва клуб учун муҳим таклиф олдим, аммо ҳеч қачон кетишни талаб қилмадим. "Фиорентина"да қолишни хоҳладим ва мен қоламан", - дейди Влахович.

Олдинроқ тарқалган хабарларга кўра, 21 ёшли серб "Атлетико" билан келишувга эришган. Испан клуби футболчи учун 70 млн евродан ортиқ тўлашга тайёр эди.

Влахович ўтган мавсум "Фиорентина" таркибида А Серия доирасидаги 37та ўйинда майдонга тушиб, 21та гол уришга эришди ва чемпионатнинг энг яхши ёш ўйинчисига айланди.

Ҳавола :

Манба : Sky Sport Italia

Янгиликларни Телеграмда ўқинг!

Рейтинг: +3