Расман: Виктор Кумиков "Андижон"ни тарк этди
02 сен 2020 16:52
Янгиликлар
Расман: Виктор Кумиков "Андижон"ни тарк этди
Жорий мавсумга "Андижон" жамоасини тайёрлаган Александр Хомяков 3-турдан сўнг эгаллаб турган лавозимини тарк этганди.
Коронавирус пандемияси туфайли юзага келган карантин пайтида жамоа бош мураббийлиги лавозимига Виктор Балютович Кумиков таклиф этилганди.
Бугун клубнинг янги раҳбари Журъатбек Қувватов ҳамда жамоа бош мураббийи Виктор Кумиков учрашди ва ўзаро келишган ҳолда шартномани икки томонлама бекор қилди.
"Андижон" жамоаси номидан Виктор Балютовичнинг кейинги фаолиятига омад тилаймиз" - дейилади клуб матбуот хизмати берган расмий хабарда.
"Андижон" жамоаси Кумиков бошчилигида жами 10 та ўйин ўтказди. Бу учрашувларда 5 мағлубият ва 5 дурангга эришилди. Яъни, мутахассис ғалаба қозонмасдан клубни тарк этди. Тўплар нисбати эса - 6:14.
Эслатиб ўтамиз, Кумиков шу йилнинг 11 май санасида андижонликлар бош мураббий этиб тайинланган эди.
Ўхшаш янгиликлар
championat.asia
Ла Лига. "Реал" меҳмонда камбэк сабаб "Бетис"га мағлуб бўлди
Ла Лига. "Барса" ўз уйида "Реал Сосьедад"ни тор-мор этди, меҳмонлар 17-дақиқада бир киши кам бўлиб қолишди
А Серия. "Рома" иродали ғалабага эришди. Шомуродов танаффусда захирага олинди, унинг ўрнига тушган Довбик эса ғалаба голини урди
Саудия Арабистони. "Ал Ҳилол" ва "Ал Насср" мағлуб бўлди
Фикрлар