Ватцке: "Боруссия Дортмунд" "Сити"дан кўра номдор ва бизнинг номимиз жаранглироқ эшитилади"

15 июл 2016, 04:14

Дортмунднинг "Боруссия" клуби ижрочи директори Ханс-Йоахим Ватцке ўз жамоаси имижи хусусида тўхталиб ўтди.

- Англиянинг беш нафар клуби молиявий жиҳатдан биздан устун. Лекин шуниси аниқки, масалан, "Манчестер Сити"дан кўра "Боруссия Дортмунд" номдор жамоа. "Боруссия Дортмунд" номи "Сити"га нисбатан жаранглироқ эшитилади. Футболчиларни ўзига жалб этиш борасида ҳам биз "Сити"дан устунмиз. Аммо масала молиявий жиҳатга бориб тақаладиган бўлса, унда "Сити"нинг имкониятлари биздан юқорироқ.