"Ватан ҳимоячилари куни"га бағишланган мусобақа бўлиб ўтди

Жиззах вилоят футбол федерацияси ва Ғаллаорол туман Болалар-ўсмирлар спорт мактаби билан ҳамкорликда 2018 йил "Фаол тадбиркорлик, инновацион ғоялар ва технологияларни кўллаб-кувватлаш" йили ҳамда 14 январь "Ватан ҳимоячилари куни"га бағишлаб спортнинг футбол тури буйича 2005-2006 ва 2008-2009 йилларда туғилган болалар ўртасида Республика очиқ турнири бўлиб ўтди.

Унда Республикамиз барча вилоятлари жумладан, Марғилон шаҳри ,Фарғона вилояти, Бухоро шаҳри ,Самарқанд вилояти ,Қўқон, Гулистон ,Сирдарё, Наманган, Навоий ҳамда Ғаллаорол туманидан футбол мактаблари тарбияланувчилари ўзаро беллашдилар.

2005-2006 йилларда туғилган болалар ўртасида финалга Ғаллаорол БЎСМ ва Марғилон БЎСМ тарбияланувчилари ўзаро беллашдилар. Унда 3:1 ҳисобида Ғаллаорол БЎСМ тарбияланувчилари ғалаба қозонди.

2008-2009 йилларда туғилган болалар ўртасида финалга Ғаллаорол БЎСМ ва Гулистон БЎСМ тарбияланувлари ўзаро баҳс олиб боришди ва 5:3 ҳисобида Ғаллаорол БЎСМ тарбияланувчилари ғалаба қозонди.

Турнир ёпилиш маросимида Жиззах вилоят Футбол Федерацияси биринчи вице-президенти Анвар Мусулманов турнир ғолибларини медаллар ва эсталик совғалари билан тақдирладилар.

- Бизнинг мақсадимиз аввало Ўзбекистон футболига ўз ҳиссамизни қўшиш ва ёшлар чарм тўп усталари орасида энг яхшиларни саралаб , вилоятимиз ва мамлакатимиз футбол академияларига йўналтиришдир. Ишонаманки ,улар келажакда миллий терма жамоаларимиз учун етук футболчилар бўлиб етишишади. Келажакда ҳам бундай тадбирларни кўплаб ўтказиш режалаштирилган - дейди Ғаллаорол БЎСМ мураббийи Баҳриддин Раҳмонқулов.