UZ

Сўнгги янгиликлар

02:10ЕЧЛ. "Арсенал", "Боруссия Д" ва "Наполи"да ғалаба "Юве"да дуранг ва бошқа натижалар  12 02:00ЕЧЛ. "Манчестер Сити" меҳмонда "Монако" билан дуранг ўйнади  6 01:55ЕЧЛ. ПСЖ Рамушнинг охирги дақиқалардаги голи эвазига "Барселона"ни мағлубиятга учратди  137 01:20ОЧЛ 2. "Ал Ҳалдия" ўз уйида "Арқадағ"ни мағлубиятга учратди. "Андижон" жойлашган гуруҳда ҳолат қандай?  2 01:01Сардор Азимов: "Биринчи бўлимда гол уришни мақсад қилгандик. Жамоада муҳит аъло даражада"  1 00:31"Барса" тез орада де Йонг билан шартномани узайтиради  0 00:06ЕЧЛ. "Ньюкасл" йирик ғалаба қайд этди, "Қорабоғ" "Копенгаген"ни енгди  1 23:42Қозоғистонлик тадбиркор "Реал"дан бешта гол ўтказган "Қайрат"нинг 18 ёшли дарвозабонига машина совға қилди  2 22:50Максим Шацких: "Энг муҳими гол ўтказмаслик ва нолга ўйнаш. Реализация эса кун келиб яхшиланади"  14 22:32"Элче" "Барса"га қарши ўйин анонсида учрашув "Камп Ноу" стадионида ўтказилишини маълум қилди  0 21:54"Ал Аҳли" устози: "Дурангдан қониқмадик, аммо натижа адолатли бўлди. Бу каби атмосферани маҳаллий чемпионатда доим ҳам кўравермаймиз"  9 21:20Жуд Беллингем Англия терма жамоасида йил футболчиси деб тан олинди  2 20:40ОЧЛ-2. "Андижон" "Бобур Арена"да "Ал Аҳли" билан дуранг ўйнади  96 20:29Феде Вальверде кечаги ўйиндан кейинги айбловларга жавоб берди: "Суягим синган ҳолатларда ҳам ўйнаганман. Бу айбловлар мени хафа қилди"  5 20:00"Барселона" - ПСЖ — ҳужумчилар лазаретда, топ ярим ҳимоячилар тўқнашувида ким ғолиб бўлади?  8

Интервью. Умарали Раҳмоналиев: "Бунёдкор" - орзулар маскани" Янгиликлар

Интервью. Умарали Раҳмоналиев: "Бунёдкор" - орзулар маскани"

Шуҳрат Мақсудов мураббийлигидаги "Бунёдкор" жамоаси Суперлиганинг 5-турида Яйпанда "Нефтчи"ни мағлуб этишга эришди.

3:1 ҳисобида якунланган учрашувда "қалдирғочлар"нинг иккинчи голига 18 ёшли ярим ҳимоячи Умарали Раҳмоналиев муаллифлик қилди. Ўтган мавсумда асосий таркибда дебют қилган футболчи бу мавсумда янада ўсишга эришиши кутилмоқда. "Нефтчи" билан учрашувдан сўнг Умаралининг фикрлари билан қизиқдик. 


- Катта футболга кириб келганингизга кўп бўлгани йўқ. Шу боис дастлаб миллионлар ўйинидаги илк қадамларингиз ҳақида гапириб берсангиз...

- Футболга кириб келишимда отам ва онамнинг ҳиссалари катта бўлган, дея оламан. Айниқса онажомнинг ўрнилари бунда бўлакча. Спорт билан шуғулланиб жисмонан бақувват бўлсин, деган мақсадда футбол тўғарагига беришган. 

- Асли наманганлик ҳисобланасиз. Тошкентга қандай қилиб келиб қолгансиз? Селекция натижасидами ёки...

- Турнирларнинг бирида "Бунёдкор" ёшлари билан ўйнашимизга тўғри келган. Учрашувдан сўнг рақиб бош мураббийи Алишер ака Иброҳимов таклиф қилганлар. Ота-онамдан розилик олишни мураббийим билан бирга уддалагандик. Шу тариқа 2015 йилнинг ёзида устозим Маҳкам ака Собиров билан бирга Тошкентга келганмиз. "Бунёдкор"даги илк мураббийларим Алишер ака Иброҳимов ва Фурқат ака Самегов. 

- Канте лақабини ким берган?

- Академияда тўп тепаётган вақтимда акаларим Канте лақабини қўйишган. Албатта Кантени ўйинларини кузатиб бораман. У менинг кумирим.

  


- "Бунёдкор"ни бир сўз билан таърифлаб бера оласизми?

- Мен учун бу клуб орзулар маскани. Чунки барча шароитлар бор. Футболчидан эса фақат меҳнат талаб қилинади, холос. 

- Жорий мавсум сиз ва жамоа учун яхши кетмоқда...

- Шундай давом этишимиз керак. Мураббийимиз айтганидек бир зум ҳам бўшашишга ҳаққимиз йўқ. Ўйинимизни янада яхшилаб ижобий натижалар қайд этишимиз лозим. "Бунёдкор" мухлислари доим ғалаба исташади, биз ҳам. Шу боис ҳар бир ўйинда майдонда боримизни ташлаймиз. 

- Умарали Раҳмоналиев олдига қандай мақсад қўйган?

- Фақат олдинга. Мен учун ортга йўл қолмаган. Ҳали хатоларим, ишлайдиган жиҳатларим кўп. Худо хоҳласа Европа жамоаларида тўп тепишни мақсад қилганман. Бунга эса фақат меҳнат орқали эришиш мумкин.


- "Нефтчи" билан ўйинда "Бунёдкор"нинг ғалабасида асосий омил нима бўлди?

- Ўйин қизиқарли кечиши олдиндан маълум эди. Катта иштиёқ ва кучли хоҳиш эвазига сафарда муҳим уч очкога эга чиқдик. 



Абдулазиз Искандаров суҳбатлашди

Қизиқарли интервью ва фактлар, статистика, ретро ўйинлар, мутахассислар фикрини қуйидаги каналда ҳам кузатиб боришингиз мумкин. ИНТЕРВЬЮЛАР.

CODE

Рейтинг: +3   

Фикрлар

championat.asia
< сўнгги янгиликларни кўриш
Яндекс.Метрика