Уэйн Руни: "Сити"га қарши ўйин мавсумнинг энг муҳим баҳси бўлмайди"

- Моуринью "Челси"да соврин ютган дамларда жамоа мавсум стартини кўнгилдагидек бошлаган. Биз учун ҳам стартни муваффақиятли бошлаш муҳим аҳамият касб этарди. Дастлабки учта ўйинда буни амалга ошира олдик, десам муболаға бўлмайди.
Жозе жамоага ўз менталитети саналган ғолиблик руҳини олиб кира олди. Бу нарса ҳар жабҳада кўриниб турибди. Охирги йилларда айнан шу нарса бизга етишмаётганди.

Мавсумнинг дастлабки палласи энди бошланди. Терма жамоалар ўйини олдидан кичик танаффусга аъло кайфиятда йўл олишимиз яхши бўлди.

"Манчестер Сити"га қарши ўйин олдидан ғалаба қозонганимиз жамоага ишонч бағишлайди.

Дербида қандай натижа қайд этилишидан қатъий назар бу ўйин мавсумнинг энг муҳим баҳси бўлмайди.
Лекин бу тўқнашувни барча кутмоқда. Клуб вакиллари, футболчилар, журналистлар, ишқибозлар ва бошқалар. Бу нафақат дерби мақомидаги ўйин, балки Жозе ва Пеп қарама-қаршилиги бўлгани учун ҳам кўпчилик учрашувни интиқлик билан кутмоқда.

Шуни аниқ айтиш мумкинки, ўйин жуда қизиқарли кечади.