УЕФА йирик клубларнинг босими туфайли Чемпионлар лигаси форматини ўзгартириши мумкин

Маълумотларга кўра, иттифоқ коэффициентлар жадвалидан қатъий назар Англия, Германия, Италия ва Испания чемпионатларига кафолатланган тўртта жой ажратиши мумкин. Захира варианти ҳам бор: Кафолатланган жойлар етакчи чемпионатлар совриндорларига тегади, катта тарихга эга жамоалар эса махсус таклифнома билан турнирда иштирок этишади.

Бу ғояни "Бавария" бошқарув қўмитаси раиси Карл-Хайнц Румменигге олға сурмоқда. Унинг фикрича, бу турнир "Интер" ва "Милан"сиз ўз жозибасини йўқотмоқда.