УЕФА Европа Суперлигаси ҳақида баёнот берди

Ушбу баёнот Англия футбол ассоциацияси (FA), АПЛ, Испания қироллик футбол федерацияси (RFEF), Ла Лига, Италия футбол федерацияси (FIGC) ва А Серия томонидан қўллаб-қувватланади.

Унда таъкидланишича, мазкур ташкилотлар Суперлига лойиҳаси амалга ошмаслиги учун барча чораларни кўради. Ушбу лойиҳа амалга ошган тақдирда, унда иштирок этган клублар миллий чемпионатлардан четлатилади, Европа ёки жаҳон миқёсидаги мусобақаларда қатнашиши тақиқланади. Шунингдек, ўша клубларда тўп тепадиган ўйинчилар терма жамоаларда ўйнаш ҳуқуқидан маҳрум қилинади.

Баёнотда Европа Суперлигаси лойиҳасида иштирок этишдан бош тортган немис ва француз клубларга миннатдорчилик ҳам билдирилган.

МЮ, "Реал", "Барселона", "Ювентус" ва яна 8 клуб Суперлига тузмоқчи. "Бавария" ва ПСЖ бунга қарши