Турнинг дастлабки бешта ўйинида имкониятлар қандай?

«Нефтчи» (Фарғона) – «Сўғдиёна» (Жиззах)
25 апрель 2015. Фарғона. “Истиқлол” стадиони. 17:00
Ҳакамлар: И.Танташев, Б.Қодиров, А.Қўлдошев, Д.Мухторов.
Назоратчи: А.Арутюнов.
Имкониятлар: 60:40%



"Локомотив" ва "Металлург" тўсиғидан тўрт очко билан ўтиб олган фарғоналиклар учун кейинги иккита ўйинни уйида бўлиб ўтиши катта устунликни беряпти. Бугун жамоа "Сўғдиёна"га қарши "Истиқлол" стадионида бахс олиб боради. Мурод Бобожоновнинг соғлиғи тобора яхшиланиб боряпти, қолаверса жамоада ғолиблик рухи ҳукмронлик қиляпти. Даврон Файзиев жамоаси эса ҳозирча бор йўғи бир очко олган ҳолда Фарғонага ташриф буюрган. Бугунги ўйинда ташаббус асосан "Нефтчи"да бўлса ажабланмаймиз. Лекин, лекин яхши текис майдонда "Сўғдиёна" қандай ўйнашни билади.


«Қизилқум» (Навоий) – «Андижон» (Андижон)
25 апрель 2015. Навоий. “Ёшлар” стадиони. 18:00
Ҳакамлар: Ш.Қосимов, А.Усмонов, С.Шоюсупов, Ш.Қаюмов.
Назоратчи: Р.Айтеков.
Имкониятлар: 55:45%



Эдгер Гесс кетаётган жойида қайтди. Жамоадаги молиявий ҳолат ўнгланган, клуб бор йўғи битта ойлик ва битта мукофот пулига қарз холос. Афтидан "Андижон" жамоаси ичида мураббий учун ишлайдиган футболчи чиққан ва аксар футболчилар бундан норозилар. Бу эса ички муҳитни бузилишига олиб келаётган экан. "Қизилқум" эса аксинча ўз майдонида ҳар қандай рақибга жиддий тайёрланяпти. Фақат тақвимни ноқулай келиши, кетма - кет ўз майдонларида иккита мағлубиятга сабаб бўлди. Жамоа аввал "Бунёдкор"га кейин "Пахтакор"га имкониятни бой берди.


«Машъал» (Муборак) – «Қўқон-1912» (Қўқон)
25 апрель 2015. Муборак. Баҳром Вафоев номидаги стадион. 17:00
Ҳакамлар: В.Цейтлин, М.Саидқосимов, Т.Гайнулин, Э.Турсунов
Назоратчи: Б.Галеев.
Имкониятлар: 55:45%



Аввалги превьюда Зафар Тўраев ва Зоҳир Қўзибоев тандеми жорий йил унум бермаётганлиги ҳақида ёзган эдик. Буни қарангки, футболчилар ҳам ўқишибди ва гол уришди. Агар қўқонликлар "Олмалиқ"га қарши намойиш этган ўйинларини кўрсата олсалар, "Машъал"га осон бўлмайди. Бу кўпроқ Баклановга ҳам боғлиқ.


«Навбаҳор» (Наманган) – «Динамо» (Самарқанд)  
25 апрель 2015. Наманган. “Марказий” стадиони. 17:30
Ҳакамлар: В.Коваленко, Н.Рўзимов, Д.Сайлалов, А.Шукуруллаев.
Назоратчи: Ғ.Каримов.
Имкониятлар: 50:50%



Ўтган турда мағлуб бўлган жамоалар бу сафар ғалабани кўзлаб тушишлари аниқ. Наманганда "Навбаҳор"га қарши ўйнаш жуда қийин эканлигини барчага маълум. Бундан ташқари "Динамо" бу мавсумдаги 5та ўйинда умуман ғалаба қозона олгани йўқ. Бахтиёр Ашурматов бошчилигидаги жамоанинг имконияти бироз юқори кўриниши мумкин, лекин майдонда тенг кураш бўлиши аниқ.


«Бухоро» (Бухоро) – «Олмалиқ» (Олмалиқ)
25 апрель 2015. Бухоро. “Бухоро” стадиони. 18:00
Ҳакамлар: Х.Рўзиев, Р.Фозилов, М.Маджидов, И.Ибрагимов.
Назоратчи: Д.Роман.
Имкониятлар: 50:50%



"Бухоро" бу мавсумда ҳали ғалаба қозона олгани йўқ. Ўтган тур жамоа "Андижон" меҳмони бўлиб мағлуб бўлганди. "Олмалиқ" эса ўз майдонида "Қўқон-1912" устидан иродали ғалабага эришганди. Александр Мочинов бошчилигидаги жамоанинг бугунги ўйиндаги имкониятни юқорироқ баҳоладик.