Тунда Ўзбекистон U-20 Хавьер Маскерано бошчилигидаги Аргентина U-20 билан ўйнайди

Равшан Ҳайдаров бошчилигидаги Ўзбекистон ёшлар терма жамоаси 1-турда мезбон Уругвайга қарши ўйин ўтказди ва 1:3 ҳисобида мағлуб бўлди.

Иккинчи баҳсда эса азалий рақиблар Бразилия ва Аргентина тўқнаш келишди. Баҳсда томошабинлар иккита гол ва иккита қизил карточка кўришди.


Бразилия U-20 - Аргентина U-20 - 1:1
Голлар: Лукас Бералдо 30 - Улисес Чиччиоли 22.
Бразилия U-20: Мисаэль, Лукас Каван, Лукас Бералдо, Вевертон, Патрик Ланса, Алекссандер, Жуниньо (c), Эрик; Жиоване, Эгуиналдо, Анхело.
Аргентина U-20: Гомес Герт, Ди Лолло, Паласиос, Вега, А.Родригес, М.Гонсалес, Энкинас, Гауто, Маэстро Пуч, Бесоззи.
Четлатиш: Алекс 76 - Агустин Родригес 54.

Бугун тунда (пайшанбадан жумага ўтар кечаси) Тошкент вақти билан соат 02:45да Ўзбекистон 2-турни Аргентинага қарши ўтказади. Айни пайтда бу жамоани собиқ футболчи Хавьер Маскерано бошқариб бораётганини кўпчилик билмаса керак. "Ливерпуль" ва "Барселона" клублари собиқ ҳимоячиси "Maldonado Cup" халқаро мусобақасига фақат Аргентина лигасида иштирок этувчи клуб футбочлиларини чақирган.