Тошкентда иккинчи марта дарвозабонлар мураббийлари учун Level 1 ўқув-курслари ўтказилмоқда

Семинарлар 27 январь куни старт олди ва у 31 январга қадар давом этади.

Семинарнинг очилиш маросимида Ўзбекистон Футбол Федерацияси техник директори ҳамда болалар, ўсмирлар ва оммавий футболни ривожлантириш бошқармаси бошлиғи Шавкат Имомов сўзга чиқди ва семинар дарвозабонлар мураббийларинг кейинги фаолияти учун фойдали бўлишини таъкидлади.

Шунингдек, Имомов семинарларни олиб борувчи инструкторлар ҳамда уларга кўмаклашадиган гуруҳ курснинг фойдали маълумотларга бой бўлиши ва барча учун манфаатли бўлиши йўлида бор имкониятларини ишга солишини таъкидлади.

Қайд этиш керакки, ўқув-семинарларини ОФК иструктори Крис Йонг (Малайзия) олиб боради.

Семинарда жами 11 нафар дарвозабонлар мураббийлари иштирок этмоқда. Улар орасида собиқ дарвозабонлар: Руслан Аҳмедхонов, Қобилжон Олимжонов, Нурилло Ҳабибов ва бошқалар бор.  

Ушбу ўқув семинарида иштирокчилари энг камида “C” лицензиясига эга бўлиши ва айни пайтда иш фаолиятини давом эттираётган бўлиши лозим.

Level 1 сертификатини қўлга киритган дарвозабонлар мураббийлари, кейинчалик Level 2 ва Level 3 даражалари учун ўқишни давом эттириш ҳуқуқига эга бўладилар.