Томас Мюллер: "Бавария" яна аввалгидек ўзининг оптимал формасига кирди"

- "Лейпциг" билан бўлган учрашув қиймати нақадар юқори эканлигини жуда яхши тушуниб тургандик. Ўйинда рақибдан кўра кўпроқ голли вазиятларни яратишга эришдик. Ўйлашимча, ҳақли равишда ғалаба қозондик. Аммо бунга эришиш осон бўлмади ва бунинг учун яхшигина тер тўкдик. "Лейпциг"нинг кучли тарафларини тўғри англаган ҳолда кўп ҳам таваккал қилмадик.

Биринчи бўлимда баъзи хатоликлар йўл қўйдик, яратилган вазиятларни кўкка совурдик. Аммо якунда барибир мақсадимизга эришдик. "Бавария" яна ўзининг формасига қайтди", - деди Томас Мюллер.

Эслатиб ўтамиз, кеча Бундеслига доирасидаги "Бавария" - "Лейпциг" учрашувида Франк Рибери томонидан киритилган ягона гол мюнхенликларга ғалабани тақдим этди ва Мюнхен клуби пешқадам "Боруссия" билан орадаги фарқни 6тага қисқартирди.