Тен Хаг: “МЮ – ҳеч кимни аямаслиги керак. Каземиро билан ишлаш эса ёқимли”

“Каземиро билан ишлаш жуда ёқимли. Унинг қанчалар муҳимлиги ва жамоага қай даражада фойда олиб келишини ҳамма кўриб турибди.

Ўйлашимча, футболчилар мавсум давомида кучайиб боради. Улар ЖЧ-2022'да яхши қатнашишди ва шу руҳда давом этишмоқда. Ўйиндан ўйинга даражани сақлаб, қўшиб бориш лозим”.

МЮ бурчак зарбасидан кейин гол ургани ҳақида

“Ҳозирги футболда стандартлардан гол уриш ва шу билан бирга рақибдан гол ўтказмаслик муҳим. Шу туфайли ушбу жиҳат бўйича яхши бўлишимиз керак, чунки улар ўйин натижасига таъсир қилади”.

Имкониятлардан фойдаланиш ҳақида

“Кўпроқ гол уришимиз лозим. Кўплаб имкониятларга эга бўлдик. Учинчи голни ўйин тугашидан бироз олдин урдик, аммо буни анча эртароқ қилиш керак эди. Биринчи тайм охирларида бизда ўйинга нуқта қўйиш учун 2 яхши имконият бўлди.

Олдинда кўплаб ўйинлар бор, шу орқали кучни тежашингиз мумкин ва бу ҳамма учун яхши бўлади. Шунинг учун жаноани ривожлантиришда аниқликни қўшишимиз керак. Марсьяль ва Рэшфорд тўп киритишди, Бруну Фернандеш ҳам гол уради, аммо биз янада шафқатсиз бўлишимиз керак”, дейди нидерландиялик мутахассис.