Тунда бўлиб ўтган ЖЧ-2026 саралаши доирасидаги Ирландияга қарши беллашувнинг (0:2) 59-дақиқасида Роналду бош ҳакам томонидан қизил карточкага лойиқ кўрилди.
Бунгача Криштиану Роналду Португалия терма жамоаси сафида 225 ўйинда иштирок этган, уларда 143 та гол уриб, 46 та голли узатма етказиб берган ҳамда бирор марта майдондан четлатилмаганди. Ушбу тарихий ўйингача Криштиану терма сафида на тўғридан-тўғри қизил, на иккинчи сариқ карточка ишлаб олмаганди.
Клублари сафида Роналду 8 бор тўғридан-тўғри қизил карточкага лойиқ кўрилган ва яна 4 марта иккинчи сариқ туфайли майдонни қолганлардан эртароқ тарк этишга мажбур бўлган.
