Темурхўжа Абдухолиқов: "Чемпионликка эришишдан кўра уни ҳимоя қилиш жуда ҳам қийин"

Ушбу баҳсдан сўнг "темирйўлчилар" футболчиси Темурхўжа Абдухолиқов ўз фикрларини билдирди.

"Чемпионатимиз биз учун жуда ҳам оғир ўтди. учрашувларда катта босим остида ҳаракат қилдик. Муддатидан аввал чемпион бўлганимиз учун бугунги учрашувда босимлардан ҳоли бўлиб майдонда ҳаракат қилдик.

Менимча бугун мухлисларга ёқадиган футбол намойиш этдик, деб ўйлайман. Ушбу чемпионликка эриши учун жуда ҳам узоқ йўлни босиб ўтдик. Учта фронтда ҳаракат қилдик. Биз учун бу жуда ҳам қийин бўлди. Қанча асаблар, қанча куч сарфланди. Менимча чемпионликни бундай тарзда нишонлаш арзийди, деб ўйлайман.

Чемпионликка эришишдан кўра уни ҳимоя қилиш жуда ҳам қийин. Келаси йилги чемпионатимиз биз учун бу йилгисидан ҳам қийин кечиши аниқ. Кейинги йили ОЧЛ мусобақасида яхшироқ натижа қайд этишга бор кучимиз билан интиламиз", - дейди "Локомотив" футболчиси Темурхўжа Абдухолиқов.

Жаҳонгир Сотволдиев