Спорт вазирлиги ва ЎФА раҳбарияти Тошкент вилояти академияси билан яқиндан танишди
20 июн 2019 10:03
Янгиликлар

Спорт вазирлиги ва ЎФА раҳбарияти Тошкент вилояти академияси билан яқиндан танишди

Теглар : Жисмоний тарбия ва спорт вазирлиги Равшан Эрматов ЎФА

Бугун Ўзбекистон Жисмоний тарбия ва спорт вазирлиги ҳамда ЎФА раҳбарияти Тошкент вилояти болалар-ўсмирлар футбол академиясига ташриф буюрди.

Дилмурод Набиев ва Равшан Эрматов академияда яратилган шарт-шароитлар, академия биноси, машғулотлар майдони, кийим алмаштириш хоналари ва овқатланиш тизими билан яқиндан танишишди.

Шунингдек, академияда фаолият юритаётган мутахассислар билан учрашув ташкил этилиб, уларнинг иш фаолияти ўрганилди.

Мавжуд камчилик ва муаммолар муҳокама қилиниб, уларнинг ечими бўйича тегишли кўрсатмалар берилди.