Спаллетти: "Интер"га маош олиш учун эмас, ғалаба қозониш мақсадида келганман"
22 окт 2018 11:07
Янгиликлар

Спаллетти: "Интер"га маош олиш учун эмас, ғалаба қозониш мақсадида келганман"

"Интер" бош мураббийи Лучано Спаллетти А Сериянинг 9-турида "Милан" устидан қозонилган ғалаба ҳақида фикр билдирди.

"Биз голни олдинроқ урмоқчи эдик. Буни уддалаганимизда, ҳаммаси идеал бўларди. "Интер" ғалабага муносиблиги кўриниб турди. Мақтовларга лойиқмиз, чунки рақибдан яхшироқ ўйин кўрсатдик.

"Интер"га мураббийлар ўриндиғида ўтириб, маош олиш учун эмас, ғалаба қозониш мақсадида келганман. Жамоанинг келажагини қуриш учун бу ердаман.

Финал хуштагидан сўнг Икардининг барқарорроқ бўлишимиз кераклиги борасида айтган гаплари ёқди. "Интер" аввалги даражасига қайтиш учун бизларни танлади. Вазифамиз - клуб бизни танлаб, адашмаганини исботлаш" - дейди Спаллетти.

Ҳавола :

Манба : Sky Sport Italia

Янгиликларни Телеграмда ўқинг!

Рейтинг: +5