Спалетти "Рома"да ишлайди, шартнома келаси ҳафта имзоланади
19 дек 2015 10:10
Янгиликлар

Спалетти "Рома"да ишлайди, шартнома келаси ҳафта имзоланади

"Зенит" собиқ бош мураббийи Лучано Спалетти тез орада "Рома" устозига айланади.

Маълумотларга кўра, мутахассис билан 18 ойлик шартнома шартлари келишиб олинган. Таҳминларга кўра, 22 декабрь куни мураббий билан битим тузилгани ҳақида расман эълон қилинади.

Шундай қилиб "Женоа"га қарши А Сериянинг 17-тур учрашуви Руди Гарсиянинг римликлар мураббийи сафидаги сўнгги баҳси бўлади. Раҳбарият жамоанинг жорий мавсумдаги ўйини ва натижасидан норози. Ушбу ҳафтада "бўрилар" "Специя"га қарши баҳсда пенальтилар сериясида имкониятни бой бериб, Италия Кубогидан чиқиб кетди.

Спалетти 2005 йилдан 2009 йилгача "Рома"да ишлаган. У бошқарган "Рома" уч маротаба Италия вице-чемпиони бўлиб, Италия Кубогида 2 марта, мамлакат Суперкубогида 1 марта зафар қучган.

Ҳавола :

Манба : Football Italia

Янгиликларни Телеграмда ўқинг!

Рейтинг: