"Сўғдиёна" 6 нафар янги футболчи билан шартнома тузди

Жамоа бир нечта янги футболчилар билан шартномалар имзолади. Ғулом Ўрунов, Суннат Мамадалиев, Азамат Исроилов, Достон Абдураҳмонов, Рустам Махмудович Аъзамов, Сарвар Каримов расман бўлажак мавсумни "Сўғдиёна" таркибида ўтказадилар.

Шу билан бирга Элёр Орифов, Санжар Рашидов, Ихтиёр Тошпўлатов, Қаҳрамон Баҳодиров, Сарвар Жўраевнинг шартномалари узайтирилди.

Бугун жамоага ўтган мавсумни "Цементчи" жамоасида ўтказган дарвозабон Элдор Исобоев ҳамда "Навбаҳор" жамоаси ярим ҳимоячиси Алишер Маҳмудов келиб қўшилди. Йиғин давомида яна бир қанча футболчиларнинг келиши кутилмоқда. Ўтган мавсумда жамоамиз таркибида ўйнаган Раббим Ҳасанов "Бухоро" жамоаси машғулотларида иштирок этмоқда.

Йиғин давомида жамоа бир қанча ўртоқлик учрашувларини ўтказади. 9 февраль куни "Навбаҳор" жамоасига қарши баҳс бўлиб ўтади. 11 февраль куни "Обод", 13 февраль куни "Қўқон-1912", 15 февральда  "Шўртан", 17 февралда эса "Бухоро" жамоасига қарши ўртоқлик учрашувлари бўлиб ўтади.   

"Сўғдиёна" матбуоти хизмати