Симеоне: "Мен Гризманнинг 5 йил давомида қилган ишларини қадрлайман"
20 июл 2019 15:47
Янгиликлар

Симеоне: "Мен Гризманнинг 5 йил давомида қилган ишларини қадрлайман"

"Атлетико" бош мураббийи Диего Симеоне ҳужумчи Антуан Гризманнинг "Барселона"га ўтганидан ҳафа эмас.

- Мен Гризманнинг 5 йил давомида клубимиз учун қилган ишларини қадрлайман. "Барселона"га ўтиш унинг фаолиятидаги муҳим дамлардир. Мен у билан кўп мулоқот қиламан.

Антуанни жуда ҳам яхши кўраман ва менда унинг оиласи билан яхши алоқалар бор. У агар шу даражада давом этса, ажойиб мавсум ўтказиш учун яхши клубга ўтди десак бўлади.

28 ёшли франциялик футболчи "Атлетико"га 2014 йилда келган. У бу вақтга қадар 257та ўйинда қатнашиб, ўз ҳисобига 133та гол ва 50та ассистни ёздириб қўйишга эришган.

Унинг Каталония клуби билан тузган шартномаси 2024 йил 30 июнга қадар амал қилади ва унинг товон пули 800 миллион еврога тенг.

"Барселона" эса унинг трансферини амалга ошириш учун 120 миллион евро миқдорида товон пули тўлашига тўғри келди.