Швеция терма жамоаси бош мураббийи ўйиндан кейин нималар деди?

Андерссон жанобларининг сўзларига қараганда, унинг шогирдлари йирик ҳисобда зафар қучишлари ҳам мумкин эди. Андреас Гранквистнинг пенальтидан киритган ягона голи Швецияга кичик ҳисобдаги ғалабани тақдим этганди. 

“Мен бугунги ўйин ва ундаги ғалабадан хурсандман. Фақат битта нарса менга ёқмади, у ҳам бўлса бугун кўпроқ гол киритишимиз керак эди. Чунки, бунинг учун етарлича хавфли вазиятларни юзага келтира олгандик. Бугун кореяликлар дарвозабони ўйиннинг энг яхши футболчиси бўлди.

Бошқа томондан олиб қарасак, Германиянинг кечаги мағлубиятидан кейин бугун ғалаба қозонганимиз барибир яхши бўлди. Яъни, гуруҳдан чиқиш учун бизнинг имкониятларимиз ошди”, - деди Андерссон.

Маълумот учун, Швеция терма жамоасининг Германияга қарши учрашуви 23 июнга белгиланган.