Шомуродовни харид қилиши мукинлиги айтилган "Лион" клуби бошқа ҳужумчи билан музокараларни бошлаб юборди

"L’Équipe" нашри хабарига кўра, француз клуби "Вильярреал" ҳужумчиси Карл Токо-Экамбини ўз сафида кўрмоқчи. Томонлар аллақачон музокараларни бошлаб юборишган. "Вильярреал" клуби раҳбарияти футболчини 20 миллион еврога баҳоламоқда. "Лион" эса ҳужумчини кейинчалик сотиб олиш ҳуқуқи билан, ёзга қадар ижарага олмоқчи.

Эслатиб ўтамиз, аввалроқ Парижнинг "Le matin de Paris" нашри "Лион" нишонидаги асосий номзод сифатида ҳамюртимиз Элдор Шомуродовни кўрсатганди.