Шелви "Манчестер Сити"га 88-дақиқада урган голи ҳақида: "Балки, ҳозир "Ливерпуль" учун қаҳрамонман..."
30 ноя 2019 20:15
Янгиликлар

Шелви "Манчестер Сити"га 88-дақиқада урган голи ҳақида: "Балки, ҳозир "Ливерпуль" учун қаҳрамонман..."

"Ньюкасл" ярим ҳимоячиси Жонжо Шелви АПЛ 14-турида "Манчестер Сити"га қарши ўйиндан (2:2) кейин фикр билдирди.

Шелви учрашувнинг 88-дақиқасида гол уриб, "шаҳарликлар"дан муҳим икки очкони тортиб олишга сабабчи бўлди. У олдин (2010-2013-йиллар) "Ливерпуль" шарафини ҳимоя қилган.

"Биз шу 1 очкони ҳақли равишда қўлга киритдик. Рақиб тўпни ўзида яхши ушлаб турди, лекин биз дурангга муносиб ўйнадик. "Астон Вилла"га учралган мағлубиятдан кейин тикланиб олишимиз керак эди ва биз ҳарактер ва кўтаринки руҳни кўрсатдик.
Балки, ҳозир "Ливерпуль" учун қаҳрамонман, бироқ агар жиддий гапирадиган бўлсам, биз имкон қадар кўпроқ очко жамғариб, мусобақа жадвалида юқорилашни давом эттиришимиз керак эди", – дейди Шелви.

"Манчестер Сити" 29 очко тўплаган ҳолда АПЛда иккинчи ўринда бормоқда — унинг асосий рақобатчиси "Ливерпуль"дан 8 очко орқада. "Брайтон"га қарши ўйиндан сўнг, Юрген Клопп жамоаси орадаги фарқни 11 очкога ошириб олиши ҳам мумкин.

Ҳавола :

Манба : bbc.com

Янгиликларни Телеграмда ўқинг!

Рейтинг: +10