Шавкат Саидов: "Бугунги "Нефтчи"ни таний олмадим"
26 июн 2017 01:25
Янгиликлар

Шавкат Саидов: "Бугунги "Нефтчи"ни таний олмадим"

“Нефтчи” – “Металлург” жамоалари учрашувидан кейин меҳмонлар жамоаси бошлиғи Шавкат Саидов ўйин ҳақидаги фикрлари билан ўртоқлашди.

"Ажойиб ўйин гувоҳи бўлдик. Иккинчи голдан сўнг ҳимояга эътибор қаратдик. Мавсумни омадсиз бошлагандик, ҳозир эса кетма-кет тўртинчи ўйинда ғолиб чиқдик. Бугун рақибдан устунлик қилдик. Биз мавсум бошида оқсагандик, ҳозир шундай вазият "Нефтчи"да бўлаяпти деб ўйлайман. Иккинчи даврада Фарғона клуби бундай вазиятдан чиқиб кетишига тилакдошман.

Зоҳид Абдуллаев уч ёки тўртта гол уриши мумкин эди. Ҳужумчимизда деярли ҳар бир ўйинда камида иккита юз фоизли вазиятлар бўлади. Сўнгги вақтларда ўзини кўрсатмоқда. Бугунга келиб голлари сони 5тага етди. Иккинчи даврада янада кўпроқ гол кутамиз.

Бугунги ўйинда "Нефтчи"ни таний олмай қолдим. Бу жамоа катта тарихга эга бир неча бор чемпион бўлган. Фарғонадан унча мунча жамоалар очко олиб кета олмасди. Вадим Абрамовга бироз вақт керак. Бундай вазиятдан олиб чиқиб кетишига ишонаман", - дейди Шавкат Саидов.

"Металлург" матбуот хизмати

Ҳавола :

Манба : championat.asia

Янгиликларни Телеграмда ўқинг!

Рейтинг: +7