Шаҳбоз Эркинов: "Ҳар бир ўйин "Машъал" учун финалга тенг бўлади"

"Ўйиндан олдин бош мураббий ва клуб директори иштирокида жиддий йиғилиш бўлиб ўтди. Унда жуда кескин гаплар бўлди. Дастлабки икки турда очко ололмаганимиз бизни ҳам, раҳбарларни ҳам ғазаблантиргани табиий ҳол. Ўша йиғилишдан сўнг футболчилар клуб учун "Бунёдкор"га қарши баҳсда борларини бериб ўйнашди.

Икки ҳафта давомида жароҳатимни даволадим ва икки кун олдин машғулотларга қайтгандим. Қўзибоев йўқлиги учун мураббийлар мени туширишга мажбур бўлишди.

Кейинги турда собиқ жамоам "Навбаҳор"га қарши ўйнаймиз, бу баҳс қизиқ ўтади. Сабаби Наманган жамоаси ўз сафини кучли ва тажрибали ўйинчилар билан тўлдириб олди. Умуман олганда биз дастлабки 2 турда мағлуб бўлганимиз учун навбатдаги ҳар қандай ўйин биз учун финалга тенг бўлади", - дейди Шаҳбоз Эркинов.