Сервер Жепаров: “championat.asia – энг яхши сайт”

Шоу-ўйин якунига етгач, у лойиҳа раҳбари Нодирхўжа Юлдашевга тўп совға қилди. Биз эса фурсатдан фойдаланиб, ундан қисқача табрик сўзларини эшитдик.

-   championat.asiaнинг уч ёшга киргани билан табриклайман. Охирги йилларда интернет анча кучайди, сайтларга бўлган эътибор ошди. championat.asia сайти мана шу уч йил ичида кўп ишларни амалга оширди. Хабар ва янгиликларни ҳам рус, ҳам ўзбек тилида тезкор етказиши билан ажралиб турди. Қисқа вақт ичида энг тезкор сайт даражасига чиқди. Мен ҳам бошқалар қатори сайтнинг туғилган куни билан табриклайман.

-   Сиз учун championat.asia қандай аҳамиятга эга?
-   Сайтнинг қадри футболчи четда ўйнаганда жуда билинади. Масалан, ўзимизда ўйнаб хабарларни у-бу кимдан, атрофдагилардан эшитиб туриш мумкин, лекин четга чиққанингда ягона қадрдонинг фақат сайт бўлади. Мен Кореядалигимда сайтга кириб хабарларни, интервьюларни ўқийман ва гўёки ўзимни Ўзбекистонда юргандек ҳис қиламан. championat.asia сайти орқали деярли ҳамма гапдан хабардорман деб айта оламан.


Хайрулла Холиқов суҳбатлашди.