Саутгейт: "Кўп гол уролмаяпмиз, аммо охирги учта ўйинни яхши ҳимояланган жамоаларга қарши ўтказдик"

Мутахассис швейцарияликлар билан ўйин натижасини сарҳисоб қилди.

Англия терма жамоаси бош мураббийи Гарет Саутгейт Германияда бўлиб ўтаётган Европа чемпионати чорак финалида Швейцария терма жамоаси устидан қозонилган ғалабадан кейин Евро-2024 ярим финалига чиқиш ҳақида гапирди. Англияликлар Швейцарияни мағлуб этишди (1:1, пенальтилар бўйича – 5:3).

"Мақсадимиз тўп билан ўйнаш, аммо рақиблар бизни тўхтатишга уринишмоқда. Жамоамиз бошиданоқ катта босим остида эди, лекин биз барча қийинчиликларни жуда яхши енгдик. Айни пайтда кўп гол ура олмаяпмиз, аммо охирги учта ўйинни яхши ҳимояланган жамоаларга қарши ўтказдик. Тўртта уринишда учинчи марта ярим финалга чиқдик. Тўхтаб қолмаслигимиз керак", – деди Саутгейт.

Англия терма жамоаси Евро-2024 ярим финалига чиқди ва унда Туркияни мағлуб этган (2:1) Нидерландияга қарши баҳс олиб боради.