“Саутгемптон” сўнгги 10 йилда футболчилар сотувидан 300 млн фунт ишлаб олди
29 дек 2017 01:44
Янгиликлар

“Саутгемптон” сўнгги 10 йилда футболчилар сотувидан 300 млн фунт ишлаб олди

Англиянинг “Саутгемптон” клуби сўнгги 10 йил ичида 14 нафар футболчисини трансфер қилиш орқали 300 миллион фунт стерлинг ишлаб топди.

Куни кеча “авлиёлар” “Ливерпуль” клубига ҳимоячи Виргил ван Дейкни 75 млн фунтга сотишганди. Унгача Натаниэль Клайн (12,5 млн фунт), Деян Ловрен (20 млн), Адам Лаллана (25 млн) ва Садьо Мане (34 млн) трансферидан ҳам мўмайгина пул ишлаб олинган эди.

“Саутгемптон” футболчиларига энг кўп “Тоттенхэм” жамоаси харидор бўлган. “Шпорлар” ўз вақтида Гарет Бэйл (10 млн), Тоби Алдервейрелд (11,5 млн), Виктор Ваньяма (11 млн) ва Пауло Гассанига (1 млн)ни айнан “Саутгемптон”дан харид қилишганди.

“Манчестер Юнайтед” “Саутгемптон”га Люк Шоу учун 25 млн, Морган Шнайдерлинга эса 24 млн фунт тўлаган. “Арсенал” Тео Уолкотт, Алекс Окслейд-Чемберлен ва Кэлум Чемберснинг умумий трансфери учун 43 млн фунт сарфлаган.

Ҳавола :

Янгиликларни Телеграмда ўқинг!

Рейтинг: +3