Санжар Рашидов: “Ғалаба қозонишимиз шарт эди”
16 авг 2016 17:52
Янгиликлар

Санжар Рашидов: “Ғалаба қозонишимиз шарт эди”

Жиззахда бўлиб ўтган “Сўғдиёна” ва “Навбаҳор” жамоалари ўртасидаги учрашувда мезбонлар сафида тўп сурган Санжар Рашидов ўзининг ишончли ҳаракатлари билан жиззахликлар ғалабасига муносиб улуш қўшди.

Учрашувдан сўнг Рашидов ўз фикрлари билан ўртоқлашди: - Ўйин анча қийин тарзда ўтди. Бугун майдонга фақат ғалаба қозониш илинжида тушгандик. Қандай қилиб бўлмасин “Навбаҳор”га қарши учрашувда уч очкони олишимиз шарт эди. Шундан келиб чиққан ҳолда тўп сурдик. Гувоҳи бўлганингиздек баҳс давомида гол уриш учун кўплаб имкониятларга эга бўлдик. Уларнинг аксариятидан фойдалана олмаган бўлсакда, якуний лаҳзаларда имкониятларни голга айлантира олмадик. Шундай бўлсада якунда ғалабани қўлга киритишга муваффақ бўлдик.

Ҳавола :

Манба : championat.asia

Янгиликларни Телеграмда ўқинг!

Рейтинг: +6