Самвел Бабаянни табриклаймиз

Клуб тизимида 15 йилга яқин муддат мобайнида хизмат қилиб келаётган Самвел Вячеславович жамоа муваффақиятларга эришишига катта ҳисса қўшди, футбол мактаби ва академиясининг ташкил топиши, у ердан асосий таркибга кўплаб ўйинчиларнинг жалб этилишида муҳим роль ўйнади. Клубдаги ташкилий ишларни ҳал қилиш билан бирга мураббийлик учун таълим олиб, 2014 йил бошида жамоани бошқаришга киришди. Шу мавсумнинг ўзидаёқ асосан академия тарбияланувчиларидан иборат жамоа мамлакат чемпионлигини кўлга киритди.

Бугун 44 ёшга тўладиган Самвел Вячеславовични "Пахтакор" футбол клуби номидан табриклаб, унга фаолияти ва оилавий ҳаётида бахт, омад, саломатлик ва фаровонлик тилаб қоламиз. Туғилган кун муборак бўлсин!